ગુજરાતમાં વેક્સિનેશનનું 88 ટકા લક્ષ્ય પૂર્ણ થયુ છે. જેમાં કોરોના કવચમાં આંધ્ર – કર્ણાટક ટોપ પર છે. તેમાં રસીકરણમાં ભારત દુનિયામાં 8મા ક્રમે છે. તેમજ વસતીના પ્રમાણમાં વેક્સિનમાં અમેરિકા અવ્વલ છે. તથા ભારતમાં 12.97 લાખ લોકોને વેક્સિન અપાઇ છે. તેમજ ગુજરાતમાં 47 હજાર વૉરિયર્સને રસી અપાઇ છે.  

ખેડૂત આંદોલનને હિંસક બનાવવાનો પ્રયાસ થઇ રહ્યો છે. જેમાં ખેડૂતોની વચ્ચેથી એક શંકાસ્પદ ઝડપાયો છે. તેમાં ચહેરા પર નકાબ લગાવીને કેમેરા સામે રજૂ કર્યો છે. જેમાં ખેડૂતોએ જ શંકાસ્પદને ઝડપીને પોલીસના હવાલે કર્યો છે.  

મુખ્યમંત્રી વિજય રૂપાણીએ સોશિયલ ડિસ્ટન્સ અને માસ્કના નિયમને લઈને મોટું નિવેદન આપ્યું હતું. મુખ્યમંત્રી વિજય રૂપાણીએ જણાવ્યું હતું કે, લગ્નમાં 100 લોકોને મંજૂરી છે. અન્ય ફંક્શનમાં જે હોલમાં કરવાના હોય, તેમાં સોશિયલ ડિસ્ટન્સ સાથે 200 લોકોની મંજૂરી છે. તેમજ ખુલ્લામાં મંડપ નાંખીને કાર્યક્રમ કરવામાં આવે, એમાં કોઇ લિમિટ નથી.

દિલ્હીમાં કોંગ્રેસ વર્કિંગ કમિટીની બેઠક થઇ છે. જેમાં સોનિયા ગાંધી વીડિયો કોન્ફરન્સથી હાજર રહેશે. તેમાં નવા અધ્યક્ષની ચૂંટણી અંગે બેઠકમાં ચર્ચા થશે. તથા ખેડૂત આંદોલન મુદ્દે ચર્ચા થવાની શક્યતા છે.

કર્ણાટકના શિમોગામાં ભેદી ધડાકો થયો છે. જેમાં 8 વ્યક્તિના મોતની આશંકા છે. તેમાં CM યેદિયુરપ્પાનું હોમ ટાઉન શિમોગા છે. વિસ્ફોટ શિમોગાથી 5-6 KM દૂર થયો છે. પોલીસે ધડાકા વાળા વિસ્તારની ઘેરબંધી કરી છે. જેમાં ડાઇનામાઇટનો ધડાકો હોવાની આશંકા છે.

કોરોનાકાળમાં હોસ્પિટલમાં કામ કરતા સ્ટાફને કોરોના વોરિયર્સ તરીકે સન્માન મળ્યું છે. પણ વડોદરાની એસએસજી હોસ્પિટલનાં ઇન્ચાર્જ નર્સ ભાનુમતિબેને આ કપરા કાળ દરમ્યાન પણ એવી કામગીરી કરી દેખાડી કે તેમની પસંદગી હવે સૌથી પ્રતિષ્ઠિત નર્સિંગ એવોર્ડ માટે થઇ છે.