ઈન્દિરા ગાંધી મેમોરિયલ ટ્રસ્ટની તપાસ થશે
ઈન્દિરા ગાંધી મેમોરિયલ ટ્રસ્ટની તપાસ થશે. તેમજ રાજીવ ગાંધી ફાઉન્ડેશન અને રાજીવ ગાંધી ચેરિટેબલ ટ્રસ્ટની પણ તપાસ થશે. ગૃહ મંત્રાલયે તપાસ સમિતિની રચના કરી છે. EDના સ્પેશ્યલ ડાયરેક્ટરની અધ્યક્ષતામાં સમિતિ દ્વારા PMLA, આવકવેરા, FCRA અંગે તપાસ થશે.
જમ્મુ કાશ્મીરઃ પાકિસ્તાનની ફરી નાપાક હરકત
જમ્મુ કાશ્મીરમાં પાકિસ્તાનની ફરી નાપાક હરકત જોવા મળી છે. જેમા પાકિસ્તાન તરફથી સિઝફાયરનું ઉલ્લંઘન કરવામાં આવ્યું છે. પૂંછ સેક્ટરના બાલાકોટ અને મેંધારમાં મોડીરાત્રે બે વાગ્યે પાકિસ્તાને ફાયરિંગ કર્યું હતુ. જેમાં પાકિસ્તાને આશરે પોણો કલાક બેફામ ફાયરિંગ કર્યું હતુ.
CBSE દ્વારા અભ્યાસક્રમમાં ઘટાડાનો નિર્ણય લેવાયો
CBSE દ્વારા અભ્યાસક્રમમાં ઘટાડાનો નિર્ણય લેવામાં આવ્યો છે. જેમાં ધોરણ-9થી 12નો અભ્યાસક્રમ 30% ઘટાડો કર્યો છે. તથા 2020-21 માટે CBSE દ્વારા જાહેરાત કરાઈ છે. તેમજ દૂર કરાયેલા ટોપિકને પરીક્ષામાં સામેલ કરાશે નહીં. તથા ઘટાડેલા ટોપિક વિદ્યાર્થીઓને શીખવાડાશે.
ચીનના વાંધા છતાં ભારત એલએસી નજીક સડકોના નિર્માણ કાર્યમાં તેજી લાવી રહ્યું છે
ચીનના વાંધા છતાં ચીન સાથેની એલએસી અને પાકિસ્તાન સાથેની એલઓસી પર ભારત દ્વારા સડક નિર્માણનું કામ પુરજોર રીતે ચાલુ છે. સંરક્ષણ પ્રધાન રાજનાથસિંહે બીઆરઓ સાથે પ્રોજેક્ટોની પ્રગતિ પર સમીક્ષા બેઠક કરી છે.
ગલવાન ઘાટીમાં ચીનના સૈનિકોના પાછા હટયા બાદ ભારત સંપૂર્ણપણે સતર્ક
ગલવાન ઘાટીમાં ચીનના સૈનિકોના પાછા હટયા બાદ ભારત અને ડ્રેગન વચ્ચે તણાવમાં થોડો ઘટાડો તો જોવા મળી રહ્યો છે, પરંતુ ભારત આ વખતે સંપૂર્ણપણે સતર્ક છે. 1962માં ચીન દ્વારા કરાયેલા વિશ્વાસઘાત બાદ ભારત આ વખતે કોઈ જોખમ ઉઠાવવા તૈયાર નથી અને ચીનની હરકત પર રાત્રિભર એલએસી નજીક વાયુસેના નજર રાખી રહી હતી.
સેનામાં મહિલાઓને સમાન હક આપવાનો નિર્ણય લાગુ કરવામાં આવશે
સેનામાં મહિલાઓને સ્થાયી કમિશન આપવાનો ચુકાદો લાગુ કરવા માટે સુપ્રીમ કોર્ટે સરકારને એક માસનો વધુ સમય આપ્યો છે. કોરોનાના રોગચાળાને કારણે સરકારે 6 માસનો વધુ સમય માંગ્યો હતો. સુપ્રીમ કોર્ટે ફેબ્રુઆરીમાં મહિલા સૈન્ય અધિકારીઓને સ્થાયી કમિશન આપવાનો નિર્ણય કર્યો હતો. તેને લાગુ કરવા કોર્ટે ત્રણ માસનો સમય આપ્યો હતો.
જમ્મુ કાશ્મીરમાં આતંકી અથડામણમાં એક આતંકી ઠાર
જમ્મુ કાશ્મીરમાં આતંકી અથડામણમાં એક આતંકી ઠાર થયો હોવાના સમાચાર છે. પુલવામામાં આતંકીઓ અને સેના વચ્ચે અથડામણ થઈ હતી જેમાં આર્મી જવાન શહીદ અને એક પોલીસકર્મી ઘાયલ થયા છે.
કુવૈતનુ પ્રવાસી ક્વોટા બિલ 8 લાખ ભારતીયોને સંકટમાં મુકી દેશે
મહામારીના માર વચ્ચે તમામ રાષ્ટ્રોની નીતિ સ્વકેન્દ્રી બની રહી છે તેવામા કુવૈતનુ પ્રવાસી ક્વોટા બિલ 8 લાખ ભારતીયોને સંકટમાં મુકી દેશે. તેમનુ જીવન સંઘર્ષમય બનાવી દેશે. જો બિલ કાયદો બની જશે તો 8 લાખ ભારતીયો ઘરબાર, રોજગાર બધુ ગુમાવી દેશે. શું છે આ બિલમાં જોઈએ આ રિપોર્ટ.